Голомт банк нь Paysend PLC-тэй хамтран БНХАУ-ын тэргүүлэх төлбөрийн систем болох Alipay үйлчилгээний гадаад мөнгөн гуйвуулгын шийдлийг нэвтрүүллээ. Ингэснээр иргэд, харилцагчдын хувьд дэлхий дахинд өргөн хэрэглэдэг Alipay системээр дамжуулан Alipay-д бүртгэлтэй хэрэглэгч рүү мөнгөн гуйвуулгыг түргэн шуурхай, илүү хялбар гүйцэтгэх боломж нэгээр нэмэгдэж байна.
Харилцагч та Голомт банкны SocialPay аппликэйшнийг ашиглан Alipay хэрэглэгчийн хэтэвч рүү шилжүүлэг хийх бөгөөд нэг удаагийн гүйлгээний лимит нь 5,000,000₮-өөс хэтрэхгүй байна.
Үйлчилгээний нөхцөлтэй ЭНД дарж танилцана уу.
Хэрхэн Alipay хэрэглэгч рүү шилжүүлэг хийх вэ?
Харин дараах 3 шаардлагын дагуу Alipay хэтэвч рүү мөнгөн гуйвуулга илгээх боломжтой тул та аль нэгийг нь орхигдуулсан эсэхээ урьдчилан шалгаарай.
- SocialPay апликэйшнд бүртгэлтэй байх.
- Та өөрөө Голомт банкны данс эзэмшигч байх.
- Шилжүүлэг хүлээн авагч нь Alipay данстай байх.
Голомт банк харилцагчдадаа зориулан гадаад гуйвуулгыг илүү хялбар, хурдан гүйцэтгэх шинэ, дижитал шийдлүүдийг тасралтгүй нэвтрүүлсээр байна. Бид цаашид ч харилцагч таны цаг хугацаа, зардлыг хэмнэсэн ухаалаг, дэвшилтэт боломжуудыг түүчээлэн хүргэх болно.
Та Голомт банкны бүтээгдэхүүн, үйлчилгээний талаарх санал сэтгэгдлээ Харилцагчийн үйлчилгээний төвийн 1800-1646 дугаарт хандан хүргүүлэх боломжтой.
Сайн сайхныг санхүүжүүлнэ