МОНГОЛ УЛСЫН ШИЛДЭГ ДИЖИТАЛ БАНК
Банкны танилцуулга
Голомт банк нь 1995 оны 3 сарын 6-ны өдөр Монгол Улсын нийгэм, эдийн засгийн салбарт томоохон байр суурь эзэлдэг Бодь интернэйшнл ХХК-ийн охин компани болон үүсгэн байгуулагдсан бөгөөд арилжааны болон хөрөнгө оруулалтын банкны үйлчилгээг бизнес эрхлэгч, хөрөнгө оруулагч, дотоод гадаадын харилцагч, түншүүддээ өндөр түвшинд хүргэн ажиллаж байна.
Алсын хараа
Дэлхийн жишиг Монголын банк
Эрхэмсэг оршихуй
Хөгжлийн Голомт
Голомт банк нь байгуулагдсан цагаасаа эхлэн Монголын банк санхүүгийн салбарын хөгжилд хурд нэмсэн анхдагч олон алхмыг хийж ирсэн бөгөөд анхны олон улсын төлбөрийн картын систем, интернэт банк, 24 цагийн банкны үйлчилгээ, мөнгөн гуйвуулгын Western Union үйлчилгээ, хосолсон валют бүхий Dual Currency карт, БНХАУ-ын нутаг дэвсгэрээс гадна дэлхийн зах зээлд анх удаа нэвтэрсэн UnionPay юанийн карт, явдаг АТМ, ухаалаг утсанд суурилсан банкны аппликэйшн болох Смарт банкны үйлчилгээ зэрэг анхны гэсэн тодотголтой дэвшилтэт шинэлэг үйлчилгээг Монгол Улсад нэвтрүүлсээр ирсэн. Цаашлаад энэхүү амжилтаа улам бататгаж дэлхийд алдартай American Express®Goldcard, American Express®Greencard-ыг зах зээлд нэвтрүүлснээс гадна, харилцагч өөрийн амьдралын хэв маяг, санхүүгийн хэрэгцээндээ нийцүүлэн сонгох боломжтой Сонгодог карт, Visa олон улсын байгууллагаас 2016 оны шилдэг инновацтай бүтээгдэхүүн, Монгол Улсын 2016 оны шилдэг инновац нэвтрүүлэгч онцлох энтрепренерээр өргөмжлөгдсөн Зэс кредит карт, дараа төлбөрт Ган карт, дэвшилтэт технологид суурилсан финтек бүтээгдэхүүн болох Socialpay зэрэг шинэлэг бүтээгдэхүүн үйлчилгээг эрхэм харилцагчдадаа зориулан ажиллаж байна. Мөн дэвшилтэт технологийг салбартаа түүчээлэн нэвтрүүлдгийнхээ хувьд ухаалаг утсаараа нэг минутын дотор зээл авах технологийг 2019 онд анхлан үйл ажиллагаандаа нэвтрүүлснээрээ харилцагчдын цаг завыг хэмнэх ухаалаг шийдэл болов.
Голомт банк дэлхийн мэдээллийн технологийг тодорхойлогч “Инфосис” компанитай хамтран ажиллаж финакл системийг нэвтрүүлсэн нь банкны олон төрлийн системийн уялдаа холбоог сайжруулан өсгөхөөс гадна нийт салбар нэгжийн үйл ажиллагааг шинэ шатанд гарган банкны үндсэн систем, харилцагчийн үйлчилгээ, хөрөнгийн удирдлага, цахим банк болон мобайл банкны үйлчилгээний шинэ шийдлүүдийг нэвтрүүлж харилцагчдынхаа үйлчилгээ, хэрэгцээнд зориулсан олон төрлийн бүтээгдэхүүн үйлчилгээг бий болгох, түргэн шуурхай болгох, харилцагчдын хүсэл хэрэгцээнд нийцсэн илүү уян хатан бүтээгдэхүүн гаргах боломж бололцоог нээсэн юм. Түүнчлэн Олон улсын агаарын тээврийн холбооны төлбөр тооцоог гүйцэтгэгч, Американ Экспресс байгууллагын Монгол Улс дахь онцгой эрхт түнш зэрэг өрсөлдөгчийнхөө эдэлдэггүй давуу эрхийг дангаар эзэмшдэг нь тус банканд олон улсын байгууллагууд итгэл хүлээлгэдгийн тод илрэл юм
Олон улсын үнэлгээ
2021.03.24-нд шинэчлэгдсэн
| Ангилал | “Moody’s” үнэлгээ |
| Зээлжих зэрэглэлийн үнэлгээ | B3 |
| Төлөв | Stable |
| Эрсдлийн үнэлгээ-Гадаад валют | B3/NP |
| Эрсдлийн үнэлгээ-Дотоод валют | B2/NP |
| Зээлжих чадварын суурь үнэлгээ | B3 |
2020.08.17-нд шинэчлэгдсэн
| Ангилал | “S&P” үнэлгээ |
| Зээлжих зэрэглэлийн үнэлгээ | B/Stable/B |
| Төлөв | Stable |
| Үнэт цаасны үнэлгээ | B |
Үндсэн үйл ажиллагаа
Он цагийн түүхэн товчоон
2020 он
Голомт банк үүсгэн байгуулагдсаны 25 жилийн ой тохиов.
"Нээлттэй банк" бодлогын хүрээнд Payment gateway, Corporate gateway, Retail gateway, Government gateway гэсэн 4 төрлийн gateway-ыг бий болгож харилцагчдадаа санал болгож эхэллээ.
Голомт Капитал ҮЦК-тай хамтран Монголын зах зээлд анх удаа хаалттай бондын банкны баталгааг гаргав.
Санхүүгийн цогц боловсрол олгох FINEDU вэб хуудас /www.finedu.mn/ болон Монголдоо анхдагч эдийн засгийн судалгааны DUA /https://dua.golomtbank.com// платформыг танилцуулав.
Зүрхний төрөлхийн гажигтай хүүхдүүдийг эх орондоо эмчлэх
“Зүрх мартахгүй” төслийг ивээн тэтгэж, албан ёсны хамтрагчаар ажиллав.
2019 он
Монголын томоохон бизнесийн байгууллагын 500 шилдэг санхүүчдийг урин, FMC Санхүүгийн Форум арга хэмжээг амжилттай зохион байгуулав.
Хиймэл оюун ухаан болон шинэ технологи дээр суурилсан Шинэчлэгдсэн Интернэт банк, Смарт банкны үйлчилгээг нэвтрүүлэв.
Монгол Улсад анх удаа Дата анализ дээр суурилсан “Миний санхүү” үйлчилгээг танилцууллаа.
МастерКарт, Виза, Юнионпэй, Американ Экспресс брендийн бүх картууддаа зайнаас унших NFC технологийг нэвтрүүлэв.
Хүүхэд залууст зориулсан “The Color” картын бүтээгдэхүүнийг зах зээлд нэвтрүүлэв.
2018 он
Онлайн ертөнцөд ашиглах боломжтой пластикгүй Виртуал картыг зах зээлд гаргав.
Нийт 7 удаагийн давтамжтай Зайсан цуврал лекц, сургалтуудыг зохион байгуулсан бөгөөд нийт 2000 орчим харилцагч хамрагдсан.
“Сонгодог” дебит картыг зах зээлд нэвтрүүлэв.
2017 он
Төлбөр тооцоог хөнгөвчилсөн SocialPay үйлчилгээг нэвтрүүлэв.
Картын дугаар сонгох үйлчилгээ, кредит картын хэсэгчлэн төлөх үйлчилгээг нэвтрүүлэв.
Мастеркарт алтан дебит, кредит картуудыг зах зээлд шинэчлэн нэвтрүүлэв.
2016 он
Монгол улсын томоохон бүтээн байгуулалт болох УБ хотын Олон улсын нисэх онгоцны шинэ буудлын төслийн барилгын ажлын гүйцэтгэгч болон туслан гүйцэтгэгч аж ахуйн нэгжүүдэд банкны цогц үйлчилгээ үзүүлэн ажиллав.
American Express® Green Card болон Зэс кредит картыг зах зээлд нэвтрүүлэв.
2015 он
Монгол улсад анх удаа 100 хувь даатгагдсан компанийн бонд арилжаалагдаж эхлэв.
Санхүүгийн боловсролыг дэмжигч Голомт банк www.edu.golomtbank.com сайтын нээлтээ хийв.
“AMERICAN EXPRESS® REWARDS CARD”-г харилцагчдадаа зориулав.
2014 он
Кастодиан банкны үйл ажиллагаа эрхлэх тусгай зөвшөөрөл бүхий Монголын анхны банк болов.
FATCA хуулийг дагаж мөрдөх Монгол улсын анхны арилжааны банк боллоо.
Голомт банкны харилцагчид Монголд анх удаа интернэт банкаа ашиглан данс суурьтай “Western Union” мөнгөн гуйвуулгын үйлчилгээнд хамрагдах боломжтой боллоо.
2013 он
Төлбөрийн картын системээр дэлхийд тэргүүлэгч American Express картыг монголд анх удаа нэвтрүүлэх гэрээнд гарын үсэг зурав.
Монгол улсын Татварын ерөнхий газартай хамтран цахим хэлбэрээр татвараа төлөх цоо шинэ үйлчилгээг нэвтрүүлэв.
Ухаалаг гар утсанд суурилсан монголын хамгийн анхны банк санхүүгийн апплэйкэшн СМАРТ БАНК үйлчилгээний 2.0 /хоёр тэг/ хувилбарыг нэвтрүүлэн харилцагчдадаа шинэ шинэ боломжуудыг бий болгов.
2012 он
Германы BHF, Commerz, БНСУ-ын EXIM банкуудтай экспортын санхүүжилт, гадаад худалдааны санхүүжилтийн бүтээгдэхүүнийг хамтран нэвтрүүлэв.
Захиалгат шилжүүлэг үйлчилгээг зах зээлд нэвтрүүлэв.
ЖДБ эрхлэгчдэд зориулсан Бизнес төвүүдийг нээв.
2011 он
Гамшигт нэрвэгдсэн Японы ард түмэнд Голомт банкны нийт ажилтнууд нэг өдрийн цалингаа хандивлав.
Монголд анх удаа “Ажилтнуудад хувьцаа эзэмшүүлэх хөтөлбөр”-ийг амжилттай хэрэгжүүлэв.
Монголд анх удаа “Хүний нөөцийн бүрдүүлэлтийн аян”-ыг зохион явуулж 1500 орчим хүн хамрагдав.
2010 он
“Тэтгэврийн Ууган Сан”-г үүсгэн байгуулж ажилтнуудынхаа ирээдүйг баталгаажуулав.
Онлайнаар хадгаламж нээх үйлчилгээг Монгол улсад анх нэвтрүүлэв
Олон улсын зах зээлд анх удаа China UnionPay юаний карт нэвтрүүлэв.
2009 он
“Төлбөрийн картын ирээдүйн чиг хандлага” сэдэвт олон улсын зөвлөгөөн зохион байгуулав.
Галт тэрэг болон онгоцны тасалбарын онлайн захиалгыг Монгол улсад анх нэвтрүүлэв.
Мобайл банкны үйлчилгээ нэвтрүүлэв.
