X
Нийгмийн хариуцлага
Дэмжиж буй үндсэн чиглэлүүд
Монгол Улсын нийгэм, соёл болон эдийн засгийн ирээдүйн хөгжилд өндөр ур чадвартай, боловсролтой залуус чухал хувь нэмэр оруулна гэдэгт бид итгэдэг. Иймээс бид олон жилийн турш боловсролыг дэмжин ажиллаж байна.
- Санхүүгийн боловсролыг дэмжигч Голомт банк
- Голомт банк нь иргэдийн хуримтлалыг нэмэгдүүлэх замаар улс орны эдийн засгийн өсөлтийг дэмжих зорилготой “Үндэсний хуримтлалын хөтөлбөр”-ийг Монгол орон даяар амжилттай хэрэгжүүлж эхэлсэн бөгөөд нийт 40 мянган харилцагч нэгдээд байна.
- Голомт банк харилцагчдад санхүүгийн боловсролыг олгох зорилгоор МҮОНР-тэй хамтран бүтэн жилийн турш “Харилцагчийн санхүүгийн боловсрол”-д нэвтрүүлгийг бэлтгэн хүргэлээ.
- Мөн харилцагчийн санхүүгийн боловсролыг дэмжих ажлын хүрээнд 10 цуврал радио жүжгийг бэлтгэн хүргэлээ.
- Эдийн засгийн мэдлэг мэдээлэл, хувь хүний болон өрхийн санхүүгийн хэрэгцээг хэрхэн шийдвэрлэх талаарх мэдлэгийг олгох зорилгоор Бизнес радио 98,9 радиотой хамтран “Таны санхүүгийн боловсрол”-д нэвтрүүлгийг бэлтгэн хүргэж байна.
- Монголын хамгийн олон уншигчтай Өдрийн сонинтой хамтран иргэдийн санхүүгийн боловсролыг дэмжих зорилгоор Монгол Улсад анх удаа “Гурван гийгүүлэгч” реалити цуврал нийтлэлийг бэлтгэн, уншигчдын хүртээл болгон ажиллаж байна.
- Голомт банк иргэд харилцагчдынхаа санхүүгийн боловсролыг дэмжих зорилгоор банк, санхүү, эдийн засгийн цогц ойлголтыг хамгийн энгийн, ойлгомжтой тайлбарласан www.edu.golomtbank.com сайтыг нээсэн бөгөөд 2016 онд тус сайтын бүтэц зохион байгуулалтыг шинэчлэн, контент хөгжүүлэлтийг идэвхжүүлэн ажиллалаа.
- www.edu.golomtbank.com сайтын мэдээллийн санг баяжуулж Банк санхүүгийн 6000 орчим англи үгний ухагдахуун, ойлголтыг багтаасан тайлбар толь бичгийг Монгол Улсад анх удаа нэвтрүүллээ.
- ЖДБ-эрхлэгчдийг дэмжигч Голомт банк
- Голомт банк нь иргэд харилцагчдынхаа өмнө тулгарч буй эдийн засгийн хүндрэлийг шийдвэрлэхэд дэмжлэг үзүүлэх зорилгоор жижиг дунд бизнес эрхлэгчдээ дэмжин бизнесийн зээлийн эргэн төлөлтийн хугацаагаа сунгасан нь бизнес эрхлэгчдийн талархалыг хүлээгээд байгаа юм.
- Голомт банк Монгол Улсад анх удаа ЖДБ эрхлэгчдэд зориулсан www.sme.golomtbank.com сайтыг нээсэн бөгөөд 2016 онд тус сайтын бүтэц зохион байгуулалтыг шинэчлэн, контент хөгжүүлэлтийг идэвхжүүлэн ажиллалаа.
- Голомт банк нь харилцагч төвтэй банк байх эрхэм зорилтыг дэвшүүлэн үйл ажиллагааныхаа бүхий л түвшинд хөгжүүлэн ажиллаж байна.
- Голомт банк нь ХАА-н салбарт бизнес эрхэлж буй харилцагчдадаа зориулан АХБ болон Монгол Улсын Сангийн Яамнаас хөнгөлөлттэй санхүүжилтаар олгогдох “Хөдөө аж ахуй, хөдөөгийн хөгжлийн төслийн нэмэлт санхүүжилт” төслийн зээлийг олгож эхэллээ.
- Боловсролыг дэмжигч Голомт банк
- Голомт банк бизнесийн байгууллагуудаас анхлан санаачилж оюутанд зориулсан багц хөтөлбөрийг хэрэгжүүлж ирсэн бөгөөд нийт 1300 оюутанд 1 тэрбум төгрөгийн тэтгэлэг олгоод байна.
- Голомт банкны нэрэмжит “ОЮУТНЫ ЭРДЭМ ШИНЖИЛГЭЭНИЙ БАГА ХУРАЛ”-ыг 2016 онд 15 дахь удаагаа зарласан бөгөөд 173 оюутны 109 бүтээл ирлээ.
- Улсын хэмжээнд суралцаж буй нийт оюутнуудын 49% нь 2015-2016 оны хичээлийн жилийн сургалтын төлбөрөө төлөөгүй байна гэсэн судалгаа бий. Үүнээс үүдэн оюутан залуус хичээл завсардах, ирээдүйдээ итгэх алдрах зэрэг бэрхшээл тулгардаг тул БСШУЯ Голомт банк хамтран “Сайн оюутан” хөтөлбөрийг хэрэгжүүлж эхлээд байна.
- Монголын хөрөнгийн биржид зохион байгуулагдсан “Үнэт цаасны зах зээлийн нээлттэй өдөрлөг”-ийн үеэр Голомт банк нь хөрөнгө оруулалтын зөвлөгөө, үнэт цаасны болон төлбөр тооцооны данс нээх үйлчилгээ, үнэт цаасны зах зээлийн талаарх сургалтыг явууллаа.
- Голомт банкны Алтан түлхүүр хүүхдийн хадгаламжийн хүүнээс багахан хувийг Монголын хүүхдүүдийн сайн сайхны төлөөх үйлст зарцуулах санд хуримтлуулдаг бөгөөд 649 сая төгрөг хуримтлуулаад байна.
- Санхүүгийн боловсролыг дэмжигч Голомт банк
Спорт, соёл, урлагын салбарт дэмжлэг үзүүлэх нь бидний үүрэг бөгөөд энэ нь Монголын нийгмийг хөгжүүлэн тэлэхэд чүхал ач холбогдолтой юм. Энэхүү үйл ажиллагаа маань Олимпийн наадам, хөл бөмбөг, мөн уламжлалт урлаг, уламжлалт дуу хөгжим болох Монголын онцгой өв соёлд голлон анхаарч байна.
- Үндэсний өв уламжлалаа дэмжих
- Голомт банк нь Бразил улсад зохиогдсон зуны олимпийн ХХХ1, паралимпийн ХV наадамд Монгол Улсаа төлөөлөн оролцох баг тамирчдаа дэмжин ажиллалаа.
- Монгол Улсад зохион байгуулагдсан Ази тивийн Оюутны сагсан бөмбөгийн аварга шалгаруулах 6 дахь удаагийн тэмцээнийг Голомт банк ивээн тэтгэлээ. Тус тэмцээнд Монгол Улсын баг тэргүүн байрыг эзэлсэн юм.
- Монголын Хүүхэд Залуучуудын Соробан Сампингийн холбооноос зохион байгуулдаг Соробаны баяр, Соробан сампингийн үндэсний аварга шалгаруулах тэмцээнийг Голомт банк ивээн тэтгэлээ.
- 21 жилийн түүхтэй Голомт банк 2016 онд 20 дахь удаагийн явган аяллаа амжилттай зохион байгууллаа.
- Голомт банк Монгол Улсад эх орноо төлөөлөн суугаа 14 улсын элчин сайдын яамд болон ГХЯ, НҮБ, ADB зэрэг олон улсын байгууллагын 360 гаруй төлөөлөгчид оролцсон хөлбөмбөгийн тэмцээнийг амжилттай зохион байгууллаа.
- М-Си-Эс групп болон Голомт банкны хамтарсан нөхөрсөг хөлбөмбөгийн тэмцээнийг зохион байгуулав.
- Голомт банк нь ажилчдын санаачилгаар үүсгэн байгуулагдсан Спорт хамтлагтай бөгөөд банкны нийт ажилтнуудыг хамруулсан болон банк хоорондын сагсан бөмбөг, гар бөмбөг, хөлбөмбөг, шатрын тэмцээнд амжилттай оролцож тус спортыг түгээн дэлгэрүүлэх үйлсэд хувь нэмрээ оруулан ажиллаж байна.
- Монгол үндэстний язгуур урлагийг түгээн дэлгэрүүлэх, дэлхий дахинд сурталчлах үйлсэд Голомт банк нь өөрийн хувь нэмрээ оруулан, Монгол Улсын морин хуурын чуулгатай 5 дахь жилдээ хамтран ажиллаж байна.
- Дэлхийн болоод монголын сонгодог урлагийг түгээх, боловсролыг тэгш түгээх, сурталчлах зорилгоор Голомт банк нь ДБЭТ-ийн үйл ажиллагаанд дэмжлэг үзүүлэн ажиллаж байна.
- Улсын драмын эрдмийн театр болоод Голомт банкны хамтын ажиллагаа 2016 онд эхэллээ. Ингэснээр иргэдийг соён гэгээрүүлэх, сонгодог урлагийн гайхамшгийг сурталчлах, хөгжүүлэхэд банкны оролцоо өндөрт тавигдаж байна.
- Үндэсний өв уламжлалаа дэмжих
Банк нь Монгол Улсын гадаад харилцааг өргөтгөх, гадаадын шууд хөрөнгө оруулалтыг дэмжих чиглэлээр Монгол Улсын Засгийн Газраас санаачлан хэрэгжүүлж буй үйл ажиллагааг оюуны болон санхүүгийн хөрөнгө оруулалт үзүүлэн дэмжин ажилладаг.
- Засгийн газрын санаачлагыг дэмжих
- Дэлхийн Эдийн Засгийн Чуулган, Олон Улсын Санхүүгийн Институт, Хөгжиж Буй Орнуудын Зөвлөх Консул зэрэг байгууллагын гишүүнчлэлээрээ дамжуулан Монгол Улсын эдийн засгийн хөгжил цэцэглэлтэнд хувь нэмэр оруулж ажилладаг.
- Монгол Улсын Ерөнхийлөгчийн Тамгын Газраас Женев дэх Дэлхийн Эдийн Засгийн Форумтай хамтран зохион байгуулсан Авилгын эсрэг түншлэл санаачлагын “Хариуцлагатай уул уурхайг хөгжүүлэх нь”, “Авилгын эсрэг түншлэл” уулзалтуудын цор ганц ивээн тэтгэгчээр ажиллав.
- Монгол Улсын Ерөнхийлөгчийн санаачилгаар анх удаа зохион байгуулсан “Шүүх Эрх Мэдэл ба Шударга Ёс Форум”-ын ивээн тэтгэгчээр ажиллав
- Монголбанктай хамтран 4 дэх удаагийн “Арилжааны Мэргэжилтнүүдийн Чуулган”-ыг амжилттай зохион байгуулав.
- “Дисковер Монголиа-2011” олон улсын уул уурхайн хөрөнгө оруулагчдын чуулганы албан ёсны банкаар ажиллав.
- Монгол Улсын Ерөнхийлөгч, Ерөнхий сайдын Кувейт, Катар, Арабын Нэгдсэн Эмират, ОХУ, Хятад, Хонконг мөн Америкийн Нэгдсэн Улсад хийсэн албан ёсны айлчлалыг дэмжин ажиллав.
- Англи, Бүгд Найрамдах Чех улс, Сингапур, Герман, Австрали зэрэг улсуудын айлчлалын үеэр улс орны эдийн засгийн байдлыг тайлагнасан илтгэлийг тавьсан.
- Монгол Улсын Засгийн Газраас зохион байгуулсан “Монголын Эдийн Засгийн Чуулган”-ы ивээн тэтгэгчээр 3 дахь удаагаа ажиллав.
- Засгийн газрын санаачлагыг дэмжих
